2026-cı ilin istehsalat təqvimi
11 dekabr 2025 • Rəsmi qərar • 2026 istehsalat təqvimi
Azərbaycan Respublikası Əmək və Əhalinin Sosial Müdafiəsi Nazirliyinin Kollegiyası
11 dekabr 2025-ci il tarixli, 3-17/3-5-31/2025 nömrəli qərarla
2026-cı il üzrə iş vaxtı normasını və istehsalat təqvimini təsdiqləyib.
Partner Group olaraq hesab edirik ki, bu qərar əmək haqqı planlaması,
növbə cədvəllərinin qurulması, məzuniyyət planı və aylıq HR-büdcənin düzgün tərtibi üçün
əsas işçi sənədlərdən biridir.
2026-cı ildə 40 saatlıq beşgünlük iş həftəsi üzrə illik norma
1922 saat təşkil edir. Bu norma 235 tam iş günü və
6 qısaldılmış iş günü əsasında hesablanıb.
Beşgünlük iş həftəsində 241 iş günü, iş günü hesab edilməyən
107 istirahət günü, 19 bayram günü və
1 Ümumxalq hüzn günü nəzərdə tutulur.
Bu təqvim xüsusilə əmək haqqı hesablamaları, növbəli iş rejimi,
iş vaxtının cəmlənmiş uçotu, məzuniyyət planı və
istehsalat cədvəllərinin tərtibi üçün baza rolunu oynayır.
365 təqvim günündən ibarətdir.
Əmək Məcəlləsinin 105-ci maddəsinin tələblərinə uyğun olaraq,
beşgünlük iş həftəsində 9, 25, 26, 27 və 30 mart, 11 və 29 may, 10 noyabr
tarixləri istirahət günləri kimi müəyyən edilib.
Altıgünlük iş həftəsində isə 9, 25, 26, 27 mart, 29 may və 10 noyabr
tarixləri istirahət günləri sayılır.
İşəgötürənlər üçün burada əsas məsələ yalnız bayram günlərini bilmək deyil. Əsas məsələ
iş vaxtı norması əsasında düzgün əmək haqqı fondu planlamaq, növbə cədvəllərini
1922 saatlıq illik norma ilə uzlaşdırmaq və qısaldılmış iş günlərini hesablama modelinə
daxil etməkdir. Xüsusilə istehsalat, logistika, satış, anbar və xidmət sahələrində yanlış qurulmuş cədvəl
sonradan artıq iş saatı, natamam uçot və əmək mübahisəsi riski yaradır.
Altıgünlük iş həftəsi tətbiq edilən müəssisələrdə də illik yanaşma dəyişmir:
40 saatlıq həftəlik norma çərçivəsində 1922 saatlıq illik limit əsas götürülməlidir.
Ayrı-ayrı aylarda saatların az və ya çox görünməsi, uçot dövrünün sonunda norma qorunursa,
avtomatik pozuntu sayılmır.
Qərar Azərbaycan Respublikası Əmək Məcəlləsinin 89-cu, 90-cı, 96-cı, 105-ci və 108-ci maddələri,
eləcə də Nazirlər Kabinetinin 2 dekabr 2025-ci il tarixli 362 nömrəli qərarı
nəzərə alınmaqla təsdiqlənib.
İş vaxtının cəmlənmiş uçotu tətbiq edilən hallarda uçot dövrü bir ildən artıq,
gündəlik növbə müddəti isə 12 saatdan çox ola bilməz.
5 günlük və 6 günlük iş həftəsi üzrə bölgü
| Ay | 2025 | 2026 | ||
|---|---|---|---|---|
| 5 günlük | 6 günlük | 5 günlük | 6 günlük | |
| Yanvar | 18 | 23 | 19 | 24 |
| Fevral | 20 | 24 | 20 | 24 |
| Mart | 13 | 18 | 14 | 18 |
| Aprel | 22 | 26 | 22 | 26 |
| May | 20 | 25 | 17 | 23 |
| İyun | 17 | 21 | 20 | 24 |
| İyul | 23 | 27 | 23 | 27 |
| Avqust | 21 | 26 | 21 | 26 |
| Sentyabr | 22 | 26 | 22 | 26 |
| Oktyabr | 23 | 27 | 22 | 27 |
| Noyabr | 18 | 23 | 19 | 23 |
| Dekabr | 22 | 26 | 22 | 26 |
| Cəmi | 239 | 292 | 241 | 294 |
Ən çox oxunan xəbərlər
Instagram paylaşımları
Rəsmi Instagram hesabımızdan son paylaşımlar
