Əmək qanunvericiliyinə edilmiş son dəyişikliklər çərçivəsində uşağının doğulması ilə əlaqədar kişilərə 14 təqvim günü ödənişli atalıq məzuniyyəti verilməsi nəzərdə tutulur.

Rəsmi məlumata görə, artıq 81 işəgötürən tərəfindən 100-dək işçiyə uşağının doğulması ilə bağlı 14 təqvim günü müddətində ödənişli atalıq məzuniyyəti rəsmiləşdirilib.

14 gün nəyi əhatə edir?

• Bu məzuniyyət uşağın doğulmasından əvvəl və sonrakı dövrləri əhatə edir.
• Məqsəd: ailənin ən həssas 2 həftəsini “iş rejimi”ndən çıxarıb, “ailə rejimi”nə çevirmək. (Bəli, 14 gün bəzi layihələrin kickoffu qədər uzun görünür, amma körpə ilə çox qısadır 🙂)

ƏMAS-da necə rəsmiləşdirilir?

İşçiyə ödənişli atalıq məzuniyyətinin verilməsi barədə əmr işəgötürən tərəfindən ƏMAS-da e-qaydada formalaşdırılır. Bu məqsədlə cari ilin yanvar ayında ƏMAS-da yeni funksionallıq tətbiq edilib.

Addım-addım (praktik)

1. İşçi uşağın doğulmasını təsdiq edən tibbi arayışı təqdim edir.
2. İşəgötürən ƏMAS-da “Əmrlər” bölməsinə daxil olur.
3. “Məzuniyyət əmri yarat” seçilir.
4. Məzuniyyət növü seçilir.
5. Hüquqi əsas kimi Əmək Məcəlləsinin 125-ci maddəsinin 4-cü hissəsi göstərilir.
6. İşçiyə uşağın doğulmasından əvvəl və sonrakı dövr üzrə 14 təqvim günü ödənişli məzuniyyət verilməsinə dair əmr ƏMAS üzərindən tamamlanır.

İşəgötürənlər üçün qısa “checklist” ✅

• Tibbi arayış alındı və sistemə əsas kimi daxil edildi
• ƏMAS əmri düzgün növ və düzgün hüquqi əsasla formalaşdırıldı
• Məzuniyyət təqvim günləri ilə (iş günləri yox) hesablandı

Qeyd: Bu məqalə məlumat xarakterlidir. Daxili HR prosedurlarınızı (sənəd dövriyyəsi, arayışın forması, arxivləşmə və s.) müəssisənizin qaydalarına uyğunlaşdırın.

📌 14 gün ödənişli atalıq məzuniyyəti
Uşağın doğulması ilə əlaqədar kişilərə 14 təqvim günü ödənişli məzuniyyət verilməsi artıq tətbiq olunur.
✅ İndiyədək 81 işəgötürən tərəfindən 100-dək işçiyə bu məzuniyyət rəsmiləşdirilib.
🖥️ Əmr ƏMAS üzərindən elektron qaydada formalaşdırılır (yanvarda yeni funksionallıq əlavə edilib).
🔎 Addım-addım izah: partnergroupmmc.az