İqtisadiyyat Nazirliyi yanında Dövlət Vergi Xidmətinin açıqlamasına əsasən, mülkiyyətində olan yaşayış və qeyri-yaşayış sahələrinin təqdim edilməsini həyata keçirən fiziki şəxslər sadələşdirilmiş verginin ödəyicisi hesab olunur.

Bununla belə, qanunvericilikdə vətəndaşlar üçün mühüm vergi güzəşti mexanizmi nəzərdə tutulub. Belə ki, 1 yanvar 2020-ci il tarixdən fiziki şəxslərin xüsusi mülkiyyətində olan yaşayış sahəsinin təqdim edilməsi zamanı, həmin sahədə qeydiyyat müddətindən və ya qeydiyyatda olub-olmamasından asılı olmayaraq, 30 kvadratmetr hissə sadələşdirilmiş vergidən azad edilir.

Əgər fiziki şəxs satdığı mənzildə 3 təqvim ilindən az müddətdə qeydiyyatda olubsa, bu halda mənzilin 30 kvadratmetr hissəsi çıxılır, qalan sahənin isə hər kvadratmetri üzrə 15 manat baza məbləği götürülür və buna Vergi Məcəlləsində müəyyən edilmiş müvafiq əmsal tətbiq edilir.

Mənzilin sahəsi isə mülkiyyət hüququnu təsdiq edən sənədə — çıxarışa əsasən müəyyən olunur. Yəni hesablamada şifahi məlumat yox, rəsmi sənəd əsas götürülür.

Bu baxımdan, “Yeddi il qeydiyyatda olduğum mənzili satarkən hansı vergi güzəştindən istifadə edə bilərəm?” sualının cavabı aydındır: əgər siz həmin yaşayış sahəsində 7 il qeydiyyatda olmusunuzsa, bu artıq qanunda göstərilən 3 təqvim ili həddini keçdiyi üçün, həmin mənzilin təqdim edilməsi zamanı vergidən tam azadolma tətbiq olunur.